Уол оҕо инники кэскилбит, дурда–хахха буолуохтаах эрэлбит буолар. Уолу спортка сыhыарар, төрөөбүт дойдутун таптыыр, бэриниилээх, тулуурдаах, сымса буола улаатарыгар кыра эрдэҕиттэн араас өрүттээх үлэ ыытыллар.

Муус устар 28 күнүгэр Төңүлүтээҕи «Олимпионик» оҕо сайдар киинигэр улуус иhинэн «Хоhуун уол - 2017» военнай-спортивнай күрэх, бэлэмнэнии бөлөх уолаттарыгар буолан ааста. Аллараа Бэстээх «Солнышко», «Сказка», Майа «Кэнчээри», Хара «Кэрэчээн», Тумул «Куоласчаан», Табага «Кэскил» (2 оҕо), Балыктах «Звездочка», Тенүлү «Чэчир», «Олимпионик» (2 оҕо) детсадтарыттан барыта 11 оҕо кытынна.

Уолаттар ох курдук оӊостон, бэлэмнэнэн кэлэн күрэх 7 түhүмэҕэр бэйэлэрин кыахтарын көрдөрдүлэр. Ол курдук: «Будущий защитник» I түhүмэххэ уолаттар Россия гимнин толордулар, строевой бэлэмнэрин көрдөрдүлэр. II түhүмэх военизированнай эстафетаҕа уолаттарга ким түргэнин, сымсатын судьялар бириэмэни көрөн быhаардылар. Российскай Армия историятын, военнай техникатын, войскаларын төhө билбиттэрин III түhүмэх быhаарда. IV түhүмэххэ площадкаҕа тахсан гранатанан ырааҕы кыыратыыга күрэхтэстилэр. Имигэс тарбах, булугас өй, V түhүмэххэ быаны сүөрүүгэ көhүннэ. Маска тоhоҕону саайыы, хаптаhыны эрбээhин саамай тыӊааhыннаах түhүмэхтэринэн буоллулар.

Күрэхтэhии түмүгүн дьүүллүүр сүбэ (Төңүлү орто оскуолатын физкультураҕа уонна военнай үөрэхтээhиҥҥэ үрдүкү категориялаах учуутала Эверстов В.С., Тумул орто осуолатын физкультураҕа учуутала Иванов А.Т., Саханефтегаз маастара, РА кэккэтигэр саҥа службалаан кэлбит Дъяконов Дь.К.) быhаарыытынан III миэстэ Федосеев Ньургун Төңүлү «Чэчир» (сал. Шестакова Д.В.) , II миэстэ Захаров Денис Балыктах «Звездочка» (сал. Стручкова Л.И.), I миэстэни Баишев Артем уонна «Хоhуун уол» ааты Трофимов Рафаэль Төҥүлү «Олимпионик» детсад иитиллээччилэрэ (сал. Игнатьев И.И) ыллылар.