|Регистрация|Вход| Приветствую Вас Гость |RSS
РАЗДЕЛЫ
ДЛЯ ПЕДАГОГОВ
ДЛЯ ШКОЛЬНИКОВ
ОБЩЕСТВЕННЫЕ ОБЪЕДИНЕНИЯ
ГОРЯЧАЯ ЛИНИЯ
ТЕСТЫ
ФОРУМЫ
АРХИВ САЙТА
ПОИСК
Главная » 2022 » Апрель » 3 » Хаптаҕайдааҕы "Хомусчаан" кииҥҥэ Антонина Семеновна Захарова аата иҥэрилиннэ
17:43
Хаптаҕайдааҕы "Хомусчаан" кииҥҥэ Антонина Семеновна Захарова аата иҥэрилиннэ

Муус устар 2 күнүгэр Мэҥэ-Хаҥалас улууһун Хаптаҕай нэһилиэгэр долгутуулаах күн буолла. Хаптаҕайдааҕы "Хомусчаан" оҕону сайыннарар кииҥҥэ нэһилиэк бочуоттаах олохтооҕо, РСФСР үөрэҕириитин туйгуна, Учууталлар учууталлара, “Саха Өрөспүүбүлүкэтигэр оскуола иннинээҕи үөрэхтээһин сайдыытыгар кылаатын иһин” бэлиэлэр хаһаайыннара, педагогическай үлэ бэтэрээнэ, салайааччы, иитээччи Антонина Семеновна Захарова аата иҥэрилиннэ.

Антонина Семеновна 1942 с. кулун тутар 2 күнүгэр Мэҥэ-Хаҥалас улууһун Хаптаҕай нэһилиэгэр Дария Ивановна уонна Семен Михайлович Назаровтар дьиэ кэргэннэригэр үһүс оҕонон күн сирин көрбүтэ.

1967 с. Иркутскайдааҕы пединституту бүтэрэн «методист по дошкольному воспитанию», «преподаватель дошкольной педагогики и психологии» диэн идэни ылбыта. 

1967-1969 сс – Төҥүлүтээҕи оҕо саадыгар сэбиэдиссэйинэн үлэтин саҕалаабыта. 1969-1971сс – Павловскайдааҕы «Лена» оҕо саадыгар сэбиэдиссэйинэн үлэлии сырыттаҕына, эдэр үрдүк үөрэхтээх специалиһы Хаптаҕай детсадыгар сэбиэдиссэйинэн анаабыттара. Антонина Семеновна эдэр эрчимнээх санаатын, күүһүн-уоҕун детсад материальнай базатын хаңатыыга анаабыта. Оһоҕунан оттуллан олорбут детсады уунан сылытыллар систиэмэҕэ көһөртөрбүтэ. Кухня, бородуукта уурар ампаар уонна таҥас сууйар дьиэ туттарбыта. Саҥа ороннору, остуоллары, олоппостору атыылаһан, оҕо олорор, сайдар усулуобуйатын тэрийбитэ.

Иитээччилэр бэйэлэрин толкуйдарын сааһыланар, үлэҕэ уларыйыылары, саңа сүүрээннэри тобулар, олоххо киллэрэр, биир идэлээхтэрин кытта санааларын холбуур, түмэр сүбэлэһэр миэстэлэринэн методическай кабинет буолар. Антонина Семеновна  детсадыгар тэрийбит методическай кабинета 1971 сыллаахха оройуоннааҕы көрүүгэ 1 миэстэни ылбыта.

Эппиэтинэстээх, үрдүк профессиональнай категориялаах салайааччы Антонина Семеновна уонна кини дириң билиилээх опыттаах педагогтара олохтообут ситимнээх методическай үлэлэрин түмүгэр, республикаҕа кадры бэлэмнээҺиңңэ, кинилэр квалификацияларын үрдэтиигэ Хаптаҕай детсадын 1974 сыллаахха, Үөрэх министерствата Дьокуускайдааҕы педагогическай училище базовай детсадынан бигэргэппитэ.

Ирдэбиллээх, дьаныардаах салайааччы Антонина Семеновна таһаарыылаах үлэтин түмүгэр Хаптаҕай детсада мэлдьи бастыңнар ааттарыгар сылдьыбыта, Кыһыл Знамянан үрдүктүк бэлиэтэммитэ, социалистическай күрэхтэһиилэргэ инники күөнтэн түспэтэҕэ.

Антонина Семеновна коллегаларыгар, биир дойдулаахтарыгар ытыктабыллаах аҕа табаарыс, наставник этэ. Нэһилиэккэ общественность советын председателинэн, сельсовет хас да төгүллээх депутатынан талыллан, зона салайааччытынан үрдүк таһаарыылаахтык үлэлээбитэ, нэһилиэк олоҕун бары тэрээһиннэригэр актыыбынайдык кыттан, төрөөбүт нэһилиэгин бар дьонугар үтүө холобур буолара.

Дьоһун тэрээһиҥҥэ ыҥырыылаах ыалдьыттарынан буоллулар Антонина Семеновна олоҕун аргыһа Хаптаҕай нэһилиэгин бочуоттаах олохтооҕо, тыыл ветерана Иннокентий Гаврильевич Захаров, оҕолоро, сиэттэрэ, хос сиэттэрэ, аймахтара, Хаптаҕай нэһилиэгин баһылыга Екатерина Романовна Гаврильева, Саха республикатын, Мэҥэ Хаҥалас улууһун бочуоттаах олохтооҕо, Норуот хаһаайыстыбатын үтүөлээх үлэһитэ, республика Ытык Сүбэтин бэрэссэдээтэлэ Люлия Николаевна Григорьева, Мэҥэ Хаҥалас улууһун депутаттарын сүбэтин бэрэссэдээтэлэ Павел Данилович Сазонов, Мэҥэ Хаҥалас үөрэҕириитин салалтатын уопсай үөрэхтээһин отделын салайааччыта Станислав Анатольевич Захаров, уһуйаан ветераннара, нэһилиэк олохтоохторо, уһуйаан коллектива.

Бары мустубут дьон, мемориальнай доска аһыллыытын кэнниттэн төгүрүк остуол тула мустан, Антонина Семеновнаны, үлэлээбит сылларын, олоҕун иһирэхтик ахтан –санаан, ирэ –хоро кэпсэтэн, “Хомусчаан” уһуйаан билигин үлэлии сылдьар коллективыгар махтанан, оҕону иитии-үөрэтии уустук дьыалатыгар үрдүк ситиһиилэри баҕаран тарҕастылар.

Просмотров: 133
Служебный вход
Логин:
Пароль:
АНОНСЫ
  • В разделе ГИА размещены новые приказы
  • В разделе Коронавирус размещены новые документы
  • В разделе Документы размещены приказы

ОБЪЯСНЯЕМ.РФ

ГОРЯЧЕЕ ПИТАНИЕ

Горячая линия по дистанционному обазованию

Горячая линия

Телефон доверия

Телефон доверия

Выбор будущего

Президент России

Ил Дархан Республики Саха (Якутия)

МР Мегино-Кангаласский улус

Официальный сайт Басговру

Реском профсоюза РС(Я)

WorldSkills Russia

Сетевой город. Образование

Сетевой город. Анкетирование

КАЛЕНДАРЬ
«  Апрель 2022  »
ПнВтСрЧтПтСбВс
    123
45678910
11121314151617
18192021222324
252627282930
СТАТИСТИКА

Онлайн всего: 6
Гостей: 6
Пользователей: 0
Министерство Просвещения РФ  Министерство образования и науки Республики Саха (Якутия)  Институт развития образования и повышения квалификации Республики Саха (Якутия)  Республиканский центр дополнительного образования и гражданско-патриотического воспитания  Институт национальных школ Республики Саха (Якутия)  Федеральный портал поддержки ЕГЭ  Официальный информационный портал ГИА  Федеральные государственные образовательные стандарты  Федеральный образовательный портал  Российский общеобразовательный портал  Единая коллекция цифровых образовательных ресурсов  Федеральный центр информационно-образовательных ресурсов  Федеральная служба по надзору в сфере образования и науки  Федеральный центр тестирования  Федеральный институт педагогических измерений  Единое окно доступа к образовательным ресурсам  Всероссийский Интернет-педсовет  ИД Первое сентября 
МКУ "Мегино-Кангаласское районное управление образования" © 2009