Мэҥэ-Хаҥалас улууһун оскуолаҕа киириэн иннинээҕи саастаах оҕо тэрилтэлэрин иитиллээччилэрин уонна үлэһиттэрин икки ардыгар ыытыллар Саха Өрөспүүбүлүкэтэ тэриллибитэ 100 сылыгар аналлаах кэтэхтэн ыытыллар үгэс буолбут сахалыы «Хабылык» уонна «Хаамыска» остуол оонньууларын курэхтэһиитигэр уопсайа 11 хамаанда кыттыыны ылла.
Уопсай түмүгүнэн иитиллээччилэргэ кыргыттар истэригэр:
- 1 миэстэ - Романова Диана, Чыамайыкы орто оскуолата;
- 2 миэстэ - Владимирова Амира, Майятааҕы «Сардаана»оҕону сайыннарар киин;
- 3 миэстэ - Стручкова Айнаара, Бүтэйдээхтээҕи «Чэчир» оҕону сайыннарар киин.
Уолаттарга:
-1 миэстэ - Брызгалов Тускун, Майятааҕы «Кэнчээри» оҕону сайыннарар киин;
-2 миэстэ - Митрофанов Уйусхан, Төхтурдээҕи «Мичил» оҕону сайыннарар киин;
-3 миэстэ - Сергеев Айтал, Майятааҕы «Сардаана» оҕону сайыннарар киин.
Үлэһиттэргэ:
-1 миэстэ - Прудецкая Вилена А-Бэстээхтээҕи «Сказка» уһуйаан;
-2 миэстэ - Романова Дария Афанасьевна, Чыамайыкы орто оскуолата;
-3 миэстэ - Ильина Айталина Юрьевна, Майятааҕы «Кэнчээри» оҕону сайыннарар киин.
Күрэхтэһии судьуйалара «Кэнчээри» уһуйаан иитээччитэ Захарова Анна Афанасьевна, «Кэнчээри» уһуйаан физкультураҕа инструктора Григорьева Дарья Владимировна, остуол оонньуутугар Республикатааҕы I категориялаах судьуйа Максимов Иннокентий Петрович сыаналааһыны видео матырыйаалларынан оҥордулар.
Судьуйалар инникитин тахсар алҕастары учуоттуурга, көннөрүнэргэ бэйэлэрин баҕа санааларын эттилэр, ол курдук:
-хамаанда толору састааптаах буоларыгар, ол эбэтэр уһуйаантан биир иитээччи икки иитиллээччи (кыыс,уол) кыттыыта;
- оонньуу быраабылата барыта тутуһулларыгар, оҕолорго эрдэттэн сөпкө оонньуурга үөрэтии, ытыс көхсүтүгэр бииртэн биири хабара көҥүллэммэт, биэстэн аҕыйах буолуо суохтаах. Ытыстарын көхсүгэр элбэҕи түһэрэллэрин ситиһиллиэхтээх, оҕолору бириэмэни эккэрэтиспэккэ хаачыстыбалаахтык оонньуурга үөрэтиллиэхтээх;
- “Бэлэм!” “Чэ!” - диэннэ оҕо остуолтан хомуйан бэлэм турдаҕына биирдэ этиллиэхтээх;
- видеоны үчүгэй хаачыстыбалаахтык уһуллуохтаах, сорох оҕолор хабылыктара үчүгэйдик көстүбэт, аҥаара эрэ көстөр, остуол кээмэйэ оҕоҕо сөп буолуохтаах, илиилэрин остуолга уураллара көҥүллэммэт;
- оҕолор ааттарын чуолкайдык саҥараллара булгуччулаах, эҕэрдэлэһии умнуллуо суохтаах;
- улахан дьоҥҥо хабылыкка сыыһа хабыы иһин биир мас көҕүрүүр, бириэмэҕэ бүппүттэргэ 3 сөк эбиллэр.
Бу ыйыллыбыт сыыһалары-халтылары учуоттаан, эһиилги тэриллэр күрэххэ, уһуйааннар үчүгэй бэлэмнээх хамаандалары туруоруохтара диэн тэрийээччилэр эрэнэллэр, уонна кыттыбыт бары оҕолорго улахан дьоҥҥо, бэлэмнээбит педагогтарга махтаналлар.
КҮРЭХ ПРОТОКОЛА |