Муус устар 17 күнүгэр Р.Г. Васильев аатынан улуустааҕы кыраайы үөрэтэр музейга “Кэрэли” оҕо дьоҕурун сайыннарар киин уһуйааччыларын уонна выпускниктарын уус-уран оҥоһуктарын быыстапката үөрүүлээхтик аһылынна. Тэрээһиҥҥэ Р.Г. Васильев аатынан кыраайы үөрэтэр музей дириэктэрэ Зоя Шарина, Майа сэлиэнньэтин дьаһалтатын түөлбэлэри кытары үлэҕэ специалиһа Евдокия Решетникова, Кэрэли улуустааҕы оҕону эбии үөрэхтээһин киин дириэктэрин иитэр-үөрэтэр чааска солбуйааччыта Лина Маркова эҕэрдэ тыллары эттилэр быыстапканы арыйдылар. Быыстапкаҕа декоративнай-прикладной искусство хайысхатыгар дьарыктыыр сэттэ педагог Төҥүлүттэн Толстякова С.И Дьабыылтан Захарова Н.А түөртүү выпускниктарын, Чүүйэттэн Тимофеева В.Д биир, Майаттан Стручкова Е.Р икки, Птицына Д.А. Яковлева Т.Б биирдии выпускниктарын үлэлэрэ иис итиэннэ о.д.а араас оҥоһуктара дьон-сэргэ киэҥ дьүүлүгэр турдулар.

Зоя Герасимова.