Майатааҕы "Кэнчээри" оҕону сайыннарар киин "М-Айтут" робототехникаҕа хамаандата III-с төгүлүн ыытыллар «FIRST ROBOTICS CHAMPIONSHIP – MОСКВА 3.0» РОБОТОТЕХНИКА НАЦИОНАЛЬНАЙ чемпионатыгар улуу Москуба куоракка тиийэн, кыттыыны ылан кэллилэр.
Бу улахан тэрээһини быйыл Москуба куорат предпринимательствоҕа уонна инновационнай сайдыыга департамена көҕүлээн бу дьыл кулун тутар 18-20 күннэригэр ыытта. Федеральнай этапка Россия 42 регионуттан барыта 267 хамаанда кыттыыны ылла. Саха сириттэн уопсайа - 11 хамаанда, ол иһигэр 9 хамаанда - оскуолаҕа киириэн иннинээҕи саастаах уонна 2 хамаанда начаалынай кылаас оҕолоро күөн күрэхтэстилэр. "М-Айтут" хамаанда чилиэннэринэн биһиги уһуйааммыт бэлэмнэнии бөлөх иитиллээччилэрэ, «Току-току ньээм-ньээм» бэлэмнэнии бөлөхтөн Мила Маркова - командир, Ариан Решетников - логист, "Дьэрэкээн оҕолор" бэлэмнэнии бөлөхтөн Айаана Семенова - дизайнер, Игорь Иванов – инженер, буоллулар. Күрэхтэһээччи оҕолорбут тренердэрэ уһуйаан эбии үөрэхтээһинин педагога - Елена Мирославовна Семенова, иитээччи - Ольга Тимофеевна Ощепкова.
Быйылгы күрэххэ оҕолорбут эрдэттэн бэлэмнэнэр, тиийэн көмүскүүр бырайыактарын тиэмэтэ: "Грузовые перевозки" диэн этэ. Биһиги хамаандабыт оҕолоро сыл устата бэлэмнэммит бырайыактарын дьүүллүүр сүбэ (экспертар) иннилэригэр ситиһиилээхтик, өрө көтөҕүллэн, сэргэхтик көмүскээтилэр. Уопсай түмүккэ "М-Айтут" хамаанда "Сложность и оформление" диэн номинация кыайыылааҕынан буолла!
Былааннаммыт күрэх олус үрдүк таһымҥа ааспытын бэлиэтиибит. Оҕолору 3 күн устата саастарыгар сөптөөх араас култуурунай-аралдьытар тэрээһиннэр, интэриэһинэй маастар- кылаастар аралдьыттылар. Күрэхтэһии сабыллыытыгар аныгыскы күрэх Екатеринбург куоракка буолар диэн биллэрдилэр.
Маннык улахан суолталаах, олохпут сайдыытынан сыллата киэҥ ис хоһооннонон элбэх оҕолор интэриэстэрин тардар күрэххэ кыттыыны ыларбытыгар бары өттүнэн күүс-көмө, тирэх буолбут Мэнэ-Ханалас улууһун үөрэҕин салалтатын начальнигар Черкашина Ирина Васильевнаҕа, уһуйааммыт администрациятыгар, салайааччыбытыгар Екатерина Петровна Романоваҕа, күрэх кыттыылаахтарыгар көстүүмнэри тикпит улэһиттэрбитигэр Надежда Семёновна Борисова - Петроваҕа, Вероника Владимировна Черкашинаҕа Анастасия Борисовна Брызгаловаҕа, Анастасия Петровна Тимофееваҕа ис сүрэхтэн истиҥник махтанабыт!
Инникилээх күрэх айар суолун аартыга куруук сырдык, киэҥ буоллун!!!
Майатааҕы "Кэнчээри" оҕону сайыннарар киин
|