Сэтинньи 26 күнүгэр Хара орто оскуолатын көҕүлээһининэн (директор Стручков А.А.) И.Г. Игнатьев аатынан көҥүл тустууга кыра саастаах оҕолорго турнир буолан ааста. Күрэхтэһииигэ Амма,Нам улууһуттан эдэр тустуук уолаттар кэлэн бастыыр иһин күрэхтэһэн бардылар. Улуустан Дьабыыл, Майа оскуолалара кэлэн күрэхтэһии көбүөрүн киэргэттилэр.
Күрэхтэһии арыллыытыгар Хара, Майа нэһилиэктэрин баһылыктара Назарова Д.И., Тихонов Д.И. спорт ветераннара кэлэн эҕэрдэ тыллары эттилэр. Олохтоох баһылык Назарова Д.И. Хара нэһилиэгэр тустуу хамсааһыныгар бэйэлэрин кылаатттарын киллэрбит спорт ветераннарыгар юбилейнай өйдөбүнньүк знактары туттарда.
Уопсайа саастарынан 70-тан тахса бөҕөс кыттыыны ылла . Чаҕылхай тустууну көрдөрбүт Хара, Майа оскуолаларын тустууга иитиллээчилэрэ анал бириистэринэн наҕараадаланнылар.
|