2022- 2023 сыллардааҕы үөрэх сыла бүтэн, түмүктэр тахсаннар, биир кэлим эксээмэннэр туттарылланнар, 36 оскуолаттан кимнээх «кыһыл көмүс» мэтээлинэн бүтэрбиттэрэ эмиэ билиннилэр. Мэҥэ Хаҥалас улууһугар барыта 383 ыччат оскуола боруогун атыллаан олох уһун суолун төрдүгэр үктэннилэр.
Элбэх үөрэнээччилээх улууска мэтээллээх да бүтэрбиттэрэ эмиэ тыа хаһаайыстыбата экэниэмикэлэрин сүрүн салаата буолар уонна сахалар төрүккү олорор улуустарыттан элбэхтэр. От ыйын 5 күнүгэр Д.Ф.Ходулов аатынан норуот айымньытын дьиэтигэр оскуола үөрэххэ чулуу ыччаттарын көрсөн, улуус баһылыга Дмитрий Тихонов мэтээллэрин туттартыыр дьоро түгэнэ үүннэ. Төрөппүттэр, эһэлэр-эбэлэр, учууталлар мустаннар, олох киэҥ аартыгын куйаарыгар көччөх буолан көтөр ыччаттарын эҕэрдэлээтилэр. Баһылык Дмитрий Тихонов уонна улуустааҕы үөрэх управлениетын начаалынньыга Гаврил Толстяков итии-истиҥ эҕэрдэ тылларын эттилэр, мэтээллэри, грамоталары туттардылар.

Подробнее: https://эркээйи.рф/article/101245