Алтынньы 26 күнүгэр Улуустааҕы оҕону эбии үөрэхтээһин киинигэр “Кыыс Куо” куруһуок салайааччыта Дария Алксеевна Птицына айар үлэтин бырайыагынан “Ийэ уонна оҕо” диэн ааттаммыт тэрээһини ыытта. Тэрээһиҥҥэ о5о киинигэр араас куруһуоктарга дьарыктанар биирдии оҕо ийэлэринээн кытыннылар. Оҕону эбии үөрэхтээһин педагога Дария Птицына “Ийэ кыыһынаан кэрэ ситимэ” (харысхал) диэн туостан сахалыы харысхал оҥорорго маастар-кылаас көрдөрөн, кырачаан уонна обургу саастаах кыргыттар ийэлэрин кытта бииргэ туостан сахалыы харысхал оҥордулар. “Кыыс Куо” куруһуокка дьарыктанар Майа лицейин үөрэнээччилэрэ күүс-көмө буоллулар. Ийэлэр оҕолорун кытта бииргэ алтыһан, биир санаанан салайтаран, сатабылларын, дьоҕурдарын арыйалларыгар, сайдалларыгар маннык тэрээһиннэр төһүү буолаллар.

Зоя Герасимова