2019 с. сэтинньи 15 күнүгэр Хараҕа И.Г.Игнатьев 90 сааһыгар аналлаах улууска аһаҕас хайыһар күрэхтэһиитэ ыытыланна. Хайыһар суола кини төрөөбүт алааһын, оҕо сылдьан оонньообут, И.В.Сталин аатынан холхуоска үлэлээбит, Игнатьев аймах олорбут кыстык алаастарын Тэгэйээн, сайылыктарын Долбону суолларынан, Майа сэттэ кылаастаах оскуолатыгар үөрэнэр сылларыгар сэттэ сылы быһа күн аайы бара-кэлэ 10 км хаампыт-сиэлбит сирдэринэн тэлилиннэ.
Күрэхтэһии үөрүүлээх аһыллыыта, кыайыылаахтары наҕараадалааһын Василий Егоров аатынан “Чыпчаал” спортивнай комплекска буолла. Спортсменнары улуус спордун комитетын салайааччыта Константин Захаров, нэһилиэк баһылыга Дария Назарова, хайыһар спордун ветерана Афанасий Илларионов, кылаабынай судьуйа Дмитрий Сидоров, улуус үөрэҕин салалтатын аатыттан Николай Бугаев, ырыаһыт Николай Васильев эҕэрдэлээтилэр.
Күрэхтэһии оскуолалар икки ардыларыгар саастарынан түөрт бөлөҕүнэн барда, хамаанданан түмүк таҕыста. Дьахталлар, эр дьоннор уонна ветеран дьахталлар, эр дьоннор хайыһар суолугар таҕыстылар.
Саамай эдэр 2008 сыллаах уонна онтон кыра саастаах кыргыттарга 0,5 км Баянакова Лида 4м35с кэлэн чемпионнаата. Уолаттарга 1 км Тиэлиги оҕото Денисов Паша 5м51с бастакы миэстэни ылла, киниттэн 3 cөк хаалан Нестерев Коля (Бырама) иккистээтэ. 2006-07 с.т. кыргыттарга 1км 5м36с кэлбит Винокурова Сахаайа(Павловскай) атыттартан лаппа атан чемпионнаата. Уолаттарга 2км Томтортон Сережа Заровняев 10м52с кыайда. 2004-05 сыллаахтарга кыргыттарга Софронова Майя (Алдан) 2 км 12м13с, уолаттарга билигин Алдаҥҥа республиканскай хайыһар спортивнай оскуолатыгар дьарыктана - үөрэнэ сылдьар Федоров Коля 3км 14м13 с уонна Попов Матвей 14м2с кэлэннэр бастакы, иккис миэстэлэри быһаарыстылар. Кыргыттарга 2км бастаабыт Софронова Майя(Алдан) бириэмэтэ 12м13с, иккистээбит Чон Хон Сун Дайаана 12м30с кэллэ. Улахан кыргыттарга Хаптаҕайтан Павлова Мира бастаата – 3км 14м53с кэллэ. Уолаттарга Быраматтан 5 км 22м26с чемпионнаата.
Эр дьоннорга 5км 21м41с кэлбит Дьокуускайга МВД үлэһитэ Тарас Неустроев (Бэдьимэ) кыайталаата – 21м41с. Дьахталларга 3км Васильева Надежда бастаата – 16м18с.
Ветеран дьахталларга Россия үс төгүллээх чемпиона Екатерина Павлова(Чурапчы) 60 саастаахтарга чемпионнаата, 50 саастаахтарга Зинаида Черкашина (Төҥүлү), эр дьоннорго Василий Кононов, Афанасий Илларионов чемпион аатын ыллылар.
Афанасий Илларионов | 
