2020 сыл тохсунньу 18 күнүгэр үгэскэ кубулуйбут XXXII–c улуус үөрэҕин үлэһиттэрин спартакиадата бэрт тэрээһиннээхтик буолан ааста. Уопсайа 10 кустовой холбоһук хамаандалара дуобат, саахымат, остуол тенниһэ, салгын саатынан ытыы, хабылык, хаамыска уонна волейбол курдук көрүҥнэргэ биир кэлим күрэхтэһэн тарҕастылар. Күрэхтэһии үөрүүлээх чааһыгар улуус баһылыгын солбуйааччы Николай Цыпандин, улуустааҕы үөрэх салалтатын солбуйаачы Николай Никифоров уонна улуус үөрэҕин үлэһиттэрин профсоюһун председателя Иннокентий Скрябин эҕэрдэ тылларын эттилэр уонна ааспыт сыл түмүгүнэн махтал суруктары туттардылар.

Күрэхтэһии түмүгүнэн, 1 миэстэни Хара кустовой холбоһуга үһүс төгүлүн кыайары ситистэ. 2 миэстэ Төҥүлү кустовой холбоһуга уонна 3 миэстэ Аллараа Бэстээх кустовой холбоһуга буоллулар. Кыайыылаахтар сыаналаах бириистэринэн наҕараадаланнылар.

Николай Бугаев, үөрэх салалтатын кылаабынай специалиһэ