Ороссолуода орто оскуолатыгар муус устар 1 – 6
күннэригэр «естественнай цикл» учууталлар түмсүүлэрин нэдиэлэтэ буолан ааста .
Нэдиэлэ са5атыгар, математика уонна биология
уруоктарыгар олимпиадалар ыытылыннылар.
Олимпиада түмүгэр 5,6,7 кылаас о5олоруттан 1 миэстэ
7 кылаас үөрэнээччитэ Афанасьев Игорь, 2
миэстэ 7 кылаастан Соловьева Саша. Онтон
8,9,10 кылаастарга 1 миэстэ 9 кылаастан
Филиппов Сережа, 2 миэстэ 10 кылаастан Константинов Алеша уонна 3
миэстэни ылла 8 кылаас үөрэнээччитэ
Неустроев Дьулус.
Физика уонна математика учууталлара Сивцева С. Н.,
Аммосова В. В. 8, 9 кылаастарга
оонньуу уруоктары сүрдээх интэриэһинэйдик, бэhиэлэйдик ыытан үөрэнээччилэрин
билиилэрин чиҥэтэн көрдүлэр.
11 кылаастар,
алын кылаас о5олоругар анаан уокка сыhыаннаах араас опыттары оҥорон көрдөрдүлэр уонна оҥоттордулар.
Ону таhынан 8,9,10 кылаас о5олоругар «Брейн-ринг»
буолла. О5олор физика5а, информатика5а, математика5а, биология5а үөрэппит
билиилэрин бэрэбиэркэлэннилэр, үс хамаандаҕа арахсан кытаанахтык кииристилэр.
Нэдиэлэ түмүгэр 5 уонна 6 кылаастарга 2
хамаанданан «Көрдөөх эстафета» буолла.
10 түһүмэҕинэн сүүрэн-көтөн
күрэхтэстилэр, түмүгэр икки
хамаанда тэҥнэстэ.
Бу курдук, естественнай предметтар учууталларын
түмсүүлэрэ нэдиэлэлэрин олус интэриэһинэйдик үөрэнээччилэригэр анаан ыыттылар.
Суруйда: Саина Григорьева,
Эдкор куруһуок иитиллээччитэ.
|