 Сэтинньи 14 күнүгэр В.В. Скрябин аатынан Чүүйэ орто оскуолатыгар «Эдэр учуутал оскуолата» улуустааҕы семинар буолан ааста. Тэрээһиҥҥэ уопсайа улууспутуттан 71 эдэр учуутал кыттыыны ыллылар.
Күн бастакы аҥарыгар учууталлар уруоктарга сырыттылар. Уруоктары, мастер-класстары ыыттылар:
- «Кэрэли» эбии үөрэхтээһин салайааччыта Охлопкова Александра Альбертовна (хамаанда тэрийии эрчиллиитэ);
- «Битим» эдэр учууталлар ассоциациятын бэрэссэдээтэлэ Кондаков Иннокентий Владимирович (дебаты);
- «РДДМ» улуустааҕы хамсааһын салайааччыта Петров Айаал Сильвестрович (РДДМ проект үлэтэ);
- И.Г. Игнатьев аатынан Хара спортивнай орто оскуолатын химия учуутала Сидорова Мария Петровна;
- Ф.Г. Охлопков аатынан Майа орто оскуолатын математика учуутала Саввина Саргылаана Эдуардовна;
- В.П. Ларионов аатынан Майа орто оскуолатын нуучча тылын учуутала Никонорова Ирина Васильевна;
- В.П. Ларионов аатынан Майа орто оскуолатын алын сүһүөх учуутала Ильина Елена Николаевна.
Күн иккис аҥарыгар «Мировое кафе» проектарынан үлэлээһин буолла. Эдэр учууталлар хамаандаларынан арахсан алта проект оҥорон таһаардылар. Проектар сүрүн тиэмэлэрэ Мэҥэ-Хаҥаласка үөрэҕирии 150 сылыгар ананна. Үлэлэри тэрийээчилэр сэҥээрэ көрдүлэр.
Семинар түмүгүнэн эдэр учууталлар проектарын Мэҥэ-Хаҥалас үөрэҕириитин салалтатыгар көрүллүөхтэрэ диэн этиллибитэ, эһиил кулун тутар – муус устар ыйга семинар былааннаммыта, көхтөөх кыттааччылар «Битим» эдэр учууталлар ассоциациятыгар суруйтарбыттара.
Нестеров М.П., үөрэҕирии салалтатын ИМО кыл. специалиһа
| 
