Бу ый муус устар 15 күнүгэр Мэҥэ-Хаҥалас улууһун эдэр педагогтарын дьылабыай оонньуулара иккис төгүлүн ыытылынна. Тэрээһини Үөрэҕирии салалтата уонна улууспут эдэр учууталларын Ассоциациятын активистара, Кэскилээнэ Николаевна Петрова салайааччылаах Филипп Гаврильевич Охлопков аатынан Майа орто оскуолатын эдэр учууталлара тэрийдилэр. Уопсайа үстүү кыттааччылаах 3 хамаанда күөн күрэс көрсөн оонньоотулар. Турукка киирии, бэйэ-бэйэни кытары билсиһии тренинг-оонньууну педагог-психолог Туйаара Николаевна Пинигина, история уонна общество учуутала Анатолий Константинович Захаров ыыттылар. Өрөспүүбүлүкэҕэ, улууска буолан ааспыт араас профессиональнай күрэхтэр кыайыылаахтара, призердара оонньуу кыттыылаахтарыгар маастар кылаастары ыыттылар. Ол курдук, Анжелика Ивановна Попова, И.Г. Тимофеев аатынан Майа лицейын математикаҕа учуутала "Очевидное и невероятное рядом", Шестакова Лена Егоровна, Дмитрий Таас аатынан Хорообут орто оскуолатын биологияҕа уонна химияҕа учуутала "Естественно-научная грамотность как элемент функциональной грамотности", Плотников Айтал Владимирович, Ф.Г. Охлопков аатынан Майа орто оскуолатын информатикаҕа уонна технологияҕа учуутала "Использование AR-технологий в образовательном процессе", Максимова Ольга Николаевна, Ф.Г. Охлопков аатынан Майа орто оскуолатын историяҕа уонна обществознаниеҕа учуутала "Грантовая проектная деятельность" диэн олус интэриэһинэй ис хоһоонноох маастар-кылаастары көрдөрдүлэр. Дьылабыай оонньуу иккис түһүмэҕинэн Мэҥэ-Хаҥаласка үөрэҕирии 150 сылыгар аналлаах араас хабааннаах бырайыактары оҥорооһун буолла.

Бырайыактары сыаналаатылар опыттаах экспертар:

- Ким Кимович Шахурдин - Дьоҕурдаах оҕолору кытта үлэлиир координационнай киин начальнига;

- Айыына Андреевна Неустроева - Үөрэҕирии салалтатын информационно-аналитическай отдел сүрүннүүр специалиһа;

- Анжелика Ивановна Попова, И.Г. Тимофеев аатынан Майа лицейын математикаҕа учуутала;

- Лена Егоровна Шестакова, Дмитрий Таас аатынан Хорообут орто оскуолатын биологияҕа уонна химияҕа учуутала;

- Айтал Владимирович Плотников, Ф.Г. Охлопков аатынан Майа орто оскуолатын информатикаҕа уонна технологияҕа учуутала.

Түмүккэ, бастакы истиэпэннээх диплому уонна 7000 солкуобай уу харчынан бирииһи ылары ситистилэр "Эдэр бэдэрдэр" Владимир Петрович Ларионов аатынан Майа орто оскуолатын хамаандата.

Иккис истиэпэннээх диплому уонна 5000 солкуобай уу харчынан бирииһи ылары ситистилэр "ОхлопковTEAM" Филипп Гаврильевич Охлопков аатынан Майа орто оскуолатын эдэр учууталлара.

ҮҺүс истиэпэннээх диплому уонна 3000 солкуобай бирииһи ыллылар "DreamTeam" Догдоҥо орто оскуолатын хамаандата.

Эдэр учууталлар Ассоцияцияларын бастакы тэрээһиннэрэ, дьылабыай оонньуубут бары спонсордарыгар улахан махталбытын тиэрдиэхпитин баҕарабыт. Ол курдук, Мэҥэ-Хаҥалас улууһун социальнай политика салалтатыгар, чуолаан Октябрина Никитична Кулешоваҕа, Майа тыа сирин түөлбэтин Аҕа баһылыгар Алексей Иннокентьевич Неустроевка; Үөрэҕирии салалтатын начальнигын солбуйааччытыгар Ирина Михайловна Плотниковаҕа, "Сайдам" Эдэр ыччат түмсүүтүн салайааччытыгар Темир Абдыкалыевич Сыдыкбековка уонна Майабыт эдэр эрчимнээх урбаанньыттарыгар. Барҕа махтал!

Эдэр учууталлар ассоциациялара