УБААСТАБЫЛЛААХ ОҔО СААДЫН ҮЛЭҺИТТЭРЭ, ҮЛЭ ВЕТЕРАННАРА!

Улуус үөрэҕин салалтата, оҕо саас сырдык кыһаларыгар кэнчээри ыччаппыт үүнэрин-сайдарын туһугар үлэлии-хамсыы сылдьар бары үлэһиттэри, педагогическай үлэ ветераннарын оскуолаҕа киириэн иннинээҕи саастаах оҕо тэрилтэтин бары үлэһиттэрин күннэринэн итиитик-истиҥник эҕэрдэлиибит!

Оҕо саас уһуйааннара кырачаан оҕолору иитиигэ, сайыннарыыга айымньылаахтык үлэлээн, дьон-сэргэ биһирэбилин ылан нэһилиэк, улуус, республика киэҥ туттар тэрилтэтэлэрэ буолаҕыт. Олох хаамыытыгар, оскуола иннинээҕи үөрэхтээһин сайдыытыгар сөп түбэһэн, кэлэр кэнчээри ыччаппытын көрөн-истэн, сырдыкка-үтүөҕэ сирдээн, туох баар кыһамньыгытын, билиигитин биэрэн туран үлэлииргитинэн, эһиги ситиһиилэргитинэн киэн туттабыт.

Ол курдук, Майатааҕы “Кэнчээри” оҕону сайыннарар киин «М-Айтут» хамаандатынан - Екатеринбург куоракка ыытыллыбыт “FIRST ROBOTICS CHAMPIONSHIP 4.0” робототехника Национальнай чемпионатын «Бастыҥ хаманданан үлэ», «Бастыҥ истииллээх хамаанда» номинацияларга кыайыылаахтарынан (салайааччы Романова Е.П.), «Сыл бастыҥ оҕо саада - 2023» республиканскай курэх кыайыылааҕынан – Төҥүлүтээҕи «Олимпионик» оҕону сайыннарар киин үлэһиттэринэн (салайааччы Стручкова Г.А.) Аллараа Бэстээх “Сказка” уһуйаана уонна Хаптаҕайдаҕы “Хомусчаан” оҕону сайыннарар киин - 2023 с. Республика Ил Дарҕанын Гранын күрэҕэр кыттан Республиканскай инновационнай былаһаакка статуһун ылары ситиспиттэринэн!

Бүгүҥҥү үөрүүлээх күҥҥэ, кырачааннар тустарыгар сылайары – элэйэри аахсыбат, дьонно-сэргэҕэ убаастабылы ылбыт уһуйаан үлэһиттэригэр баҕарабыт, инники былааннаргыт, идеяларгыт олоххо ситимнээхтик киирэн иһэллэригэр, күннэтэ сайда, үүнэ, сарсыҥҥыны саргылыы тураргытыгар! Айар – тутар кэскиллээх дьоһуннах улэҕитигэр үрдүктэн үрдук ситиһиилэри, дьиэ – кэргэҥҥэ дьолу – соргуну, уйгулаах – быйаҥнаах дьоһун олоҕу, кытаанах доруобуйаны!

Мэҥэ-Хаҥалас үөрэҕириигэ салалтатын начальнига

Г.Н. Толстяков