Ыам ыйын 19 күнүгэр, Майа сэлиэнньэтигэр «Дьол түhүлгэтигэр» «Кэскил» психологическай-социальнай арыаллааhын киинэ доруобуйаларыгар хааччахтаах оҕолорго анаан Дьиэ кэргэн күнүгэр аналлаах үөрүүлээх күнү тэрийэн ыытта.

Манна оскуола саастаах оҕолорго, кырачаан иитиллээччилэргэ аналлаах үөрэх сылын түмүктүүр тэрээhин буолан ааста.

Үөрүүлээх тэрээhиҥҥэ киин иhинэн ыытыллыбыт күрэхтэр республиканскай, Всероссийскай конкурстар кыайыылаахтарын наҕараадалааhын буолла. Ырыа ыллаан, хоhоон ааҕан, араас оонньууга көхтөөхтүк кыттан, ону таhынан В.П. Ларионов аатынан оскуола 6 «в» кылаас оҕолоро кэлэннэр киэргэттилэр, олус астынан, үөрэн-көтөн тарҕастылар.

Түгэнинэн туhанан чуолаан Петухова Анна Александровнаҕа, кини салайар 6 «в» кылааhын оҕолоругар барҕа махталбытын биллэрэбит!

Бары мустубут оҕолорбутугар, төрөппүттэрбитигэр, баҕарыа этибит, үлэҕитигэр, үөрэххитигэр үрдүктэн-үрдүк ситиhиилэри, дьиэ-кэргэҥҥитигэр байылыат олоҕу!

"Кэскил" психологическай-социальнай арыаллааhын киинэ