Бэс ыйын бастакы күнүгэр Майаҕа «Манчаары» аатынан стадиоңңа икки чаастан улуус Баһылыгын Кубогар оскуолалар икки ардыларыгар сүүрүүгэ эстафета буолан ааста. Уопсайа алта хамаанда кэлбит. Кылгас эҕэрдэ кэннитттэн алта хамаанда тэңңэ стартаан сүүрдүлэр. Бастакы этаптары Майа бастакы нүөмэрдээх оскуолата баһылаан көһүлээн инники күөңңэ испитэ. Кэннилэриттэн Хара, Төхтүр, Чүүйэ оскуолалара батысыһан, бэйэлэрин икки ардыларыгар миэстэ былдьаһан сүүрдүлэр. Сэттис кылаас кыргыттар этаптарыгар Төхтүр кыыһа Маркова Авелина майалары лаппа чугаһатар. Ахсыс кылаас уолаттарыгар Төхтүр оҕото Портнягин Марик майалартан бэрт кыранан хаалан этсафетнай палочкатын биэрэр. Тохсус кылаас кыргыттар этаптарыгар Төхтүр кыыһа Жиркова Рая эстафетнай палочкатын онус кылаас уолугар Портнягин Афоняҕа бастаан балачча отрывтаах туттарар. Майалар бүтэһик этапка иккиһинэн тахсаллар. Харалар үсүһүнэн, Чүүйэлэр төрдүһүнэн тахсаллар. Финишка Портнягин Афоня, Төхтүр улахан отрывтаах түмүктүүр уонна хамаандатын бастакыга таһаарар. Бириэмэлэрэ 11,54,37 сөкүүндэ. Иккис Чүүйэ оскуолата (12,26,88), үһүс Хара оскуолата түмүктүүр (12,29,58). Төрдүс Майалар, бэһис Аллараа Бэстээх иккис нүөмэрдээх оскуолата уонна алтыһынан Догдоңолор түмүктүүллэр. Бастаабыт Төхтүр орто оскуолатын хамаандатыгар улуус Баһылыгын бирииһэ туттарыллар, иккистээбит Чүүйэ хамаандатыгар улуус үөрэҕириитин Управлениятын бирииһэ, үһүс буолбут Хараларга улуус спордун управлениятын бирииһэ туттурыллар. Былырыын Төхтүр оскуолата, тренера Егоров Н.С., эмиэ бастаан күһүн Дьокуускай куоракка Президент Кубогар киирэн сүүрбэ икки оскуолаттан Нерюнгри лицейын кэнниттэн иккис миэстэ буолан турар. Миринэй 26 нүөмэрдээх оскуолата үһүс буолбута. Быйыл күһүн Төхтүрдэр Президент Кубогар ситииһиилээхтик кыттыахтара диэн эрэниэҕин. |