С.З. Борисов аатынан Тыыллыма орто оскуолатын базатыгар улуустаа5ы "Чэбдик" доруобуйа уонна спорт лаа5ыра биир сезон устата, бэс ыйыгар, 50 о5ону хабан - гимнастика уонна футбол хайысханан үлэлээтэ. Гимнастика сүрүн хамсаныыларын үөрэтэн-дьарыктаан баран түмүкпүтүгэр обручтаах үҥкүү туруоран төрөппүттэрбитигэр көрдөрдүбүт. Футболга саҥа дьарыктанааччылар оонньуу төрүттэрин үөрэттилэр, онтон сүрүн састааб оонньуу кистэлэҥнэрин баһылаан, көрдөрүүлэрэ өссө тубуста. Бары 5 этэрээккэ хайдыһаммыт командирдарбытынаан араас хабааннаах тэрээһиннэри ыыттыбыт. Ломтука музейдарыгар сылдьан элбэ5и биллибит-көрдүбүт, биир дойдулаахпыт сахаттан бастакы академик В.П. Ларионов музей-дьиэтигэр сырыттыбыт. Киэһэ ахсын араас тэрээһиннэр, оонньуулар, өйү тургутар күрэхтэһиилэр ыытыллыбыттара:

• "Чэбдик Боотур" уолаттар күүстэрин, сымсаларын тургутуу күнэ буолбута.
• Кыргыттарбытыгар анаан сэттэ түһүмэхтээх "Чэбдик-Куо" конкурсу уолаттарбыт ыыппыттара.
• Майатаа5ы о5о библиотекатыттан библиотекарьдар кэлэн "Аа5ааччы күнэ", "ТОК" интеллектуальнай оонньуу ыыппыттара.
• Икки нэдиэлэ биир күн курдук элэс гынан ааста. О5олорбут лаа5ыр бүтэһик күнүн киэһэтин бэйэлэрэ тэрийэн ыыттылар. Төрөппүттэрбит кэлэн ыалдьыттаан бардылар. О5олор уонна төрөппүттэр лаа5ыр туһунан санаалара:
• М.И. Солдатова 6 о5о ийэтэ, Ломтука: «Уруй-айхал үлэһиттэргэ, доруобай буолуҥ! Махтал!».
• Т.И. Алексеева 5 о5о ийэтэ, Ломтука: «О5олорбут лаа5ырга сылдьыбыт кэмнэрин ахталлара а5ай буолуо. Барыгытыгар улахан махтал. Эһиил көрсүөххэ диэри!».
• Т. Егорова, Хара физкультура учуутала: «Икки нэдиэлэ иһигэр племянницам Егорова Лиана элбэ5и билэн-көрөн, эт-хаан өттүнэн сайдан, акробатика курдук уустук көрүҥҥэ уһуйуллан, элбэх до5ордонон, үөрэн-көтөн кэлбититтэн үөрэн ис сүрэхтэн «Чэбдик» лаа5ыр үлэһиттэригэр улахан баһыыба, бар5а махтал!!! Инники үлэ5итигэр ситиһиилэри, үүнэ-сайда тураргытыгар ба5арабын».
• Н.Д. Соловьева, педагогическай үлэ ветерана, Ломтука: «Мин сиэним кэпсээнин күн аайы истэн астынным а5ай. Лаа5ырга сылдьыбытын сөбүлээбит, күн аайы обруч эргитэрин саныыр, үлэһиттэрин барыларын астына кэпсиир, элбэх табаарыстаммытын астынар».
• Д.И. Каменева. Павловскай: «Лаа5ыр тэрийээччилэригэр, үлэһиттэргэ. воспитателлэргэ, повардарга мин уонна Оля аатыттан махталбытын тириэрдэбит. Оля сөбүлээбит а5ай. Спасибо всем»
• П. Д.Сазонов, Павловскай: «Лаа5ыр үлэһиттэригэр бар5а махтал! Кун аайы сайда туруҥ!»
• М.М.спиридонова, Ломтука: «Мин Игорым лаа5ырга сылдьыбыт кэмнэрин олус ахтар. Сарсыардааҥы зарядканы, дьарыктарын. Үлэһиттэргэ барыгытыгар Махтал».

Ити курдук лаа5ырбыт үлэлээн-хамсаан бу 50 о5о эт-хаан өттүнэн сайдарыгар олук ууран, ситиһиилээх үөрэнээччи буоларыгар эркээйи охсон хаалларда буолуо диэн эрэнэ саныыбыт. Лаа5ыры тэрийэн үлэлэппит үөрэх улуустаа5ы салаатын салайааччыларыгар Ньургуйаана Аркадьевна5а, Саргылана Алексеевна5а, о5о эт-хаан, билии-көрүү өттүнэн үүнэн-сайдан тахсарыгар усулуобуйаны барытын тэрийбит оскуолабыт директорыгар Алексей Алексеевичка, Пётр Ивановичка махтанабыт. Кэлэр кэнчээри ыччат сайдарыгар, доруобай буоларыгар күннэтэ улэлэһэргит үтүө түмүктээх буоллун.

Лаа5ыр үлэһиттэрэ Назарова Х.А.,Слепцов А.Г, Назарова А.Н.