Муус устар 15 күнүгэр Хорообут нэһилиэгэр Бугаев Дмитрий Прокопьевич-Күүстээх Миитээски 120 сааһын көрсө Мэҥэ Хаҥалас улууһун 2005-2006 с.т. уолаттарыгар өбүгэлэр оонньууларын күрэҕэ буолан ааста. Бу күн уопсайа 25 уол 5 көрүҥҥэ күрэхтэстилэр.

Күрэхтэһии ыалдьыттарынан буоллулар сэрии уонна тыыл бэтэрээнэ, Ааллаах Үүн таһаҕас таһыытын кыттыылааҕа Бугаев Д.П. - Күүстээх Миитээски оҕолоро Софья Дмитриевна, Прокопий Дмитриевич, Григорий Дмитриевич, Лена Дмитриевна, ону тэҥэ Пахомов Александр Алексеевич Россия наукаларын Академиятын Сибиирдээҕи салаатын научнай үлэҕэ бэрэссэдээтэли солбуйааччы, экономическай наука доктора. Ыҥырыылаах ыалдьыттарынан буоллулар тыыл үлэ ветераннара Светлана Николаевна Ильина, Павел Владимирович Скрябин, Василий Васильевич Борисов, Юрий Иванович Шишигин, Федор Павлович Егоров. Судействоны иилээн салайан ыытта Гаврил Семенович Попов.

1 түһүмэх «Ох саанан ытыы»:

1 миэстэ Алексеев Петя, Хорообут (5000 солк.);

2 миэстэ Винокуров Айаал, Аллараа Бэстээх (3000 солк.);

3 миэстэ Скрябин Денис, Хорообут (2000 солк.).

Бириис туруордулар Бугаев Егор Прокопьевич оҕолоро.

2 түһүмэх «Наартаны ыстаныы»

1 миэстэ Протодьяконов Айаан, Матта (5000 солк.);

2 миэстэ Прибылых Иван, Хорообут (3000 солк.);

3 миэстэ Мохначевский Николай, Балыктах (2000 солк.).

Бириис туруордулар Бугаев Николай Прокопьевич оҕолоро.

3 түһүмэх «Мас тардыһыы»:

1 миэстэ Слепцов Руслан, Наахара (5000 солк.);

2 миэстэ Винокуров Максим, Хоробут (3000 солк.);

3 миэстэ Мохначевский Николай, Балыктах (2000 солк.).

Бириис туруордулар Бугаев Николай Дмитриевич оҕолоро.

4 түһүмэх «Тутум эргиир»:

1 миэстэ Прибылых Иван, Хоробут (5000 солк.);

2 миэстэ Федоров Гаврил, Павловск (3000 солк.);

3 миэстэ Избеков Алексей, Мэльдьэхси (2000 солк.).

Бириис туруордулар Бугаев Илья Прокопьевич оҕолоро.

5 түһүмэх «Бэрэмэдэйдээх сүүрүү»:

1 миэстэ Федоров Арсен, Майя (5000 солк.);

2 миэстэ Петров Байдам, Майя (3000 солк.);

3 миэстэ Мохначевский Николай, Балыктах (2000 солк.).

Бириис туруордулар Бугаев Дмитрий Прокопьевич оҕолоро.

Тыҥааһыннаах киирсии түмүгүнэн 32 очколаах Аллараа Бэстээх бастакы нүөмэрдээх оскуолатын үөрэнээччитэ Винокуров Айаал муҥутуур кыайыылааҕынан буолла уонна Бугаевтар аймахтар ааттарыттан харчынан анал бириис туттардылар (15000 солк. – бириис туруордулар Бугаев Дмитрий Прокопьевич оҕолоро). 33 очколаах Хорообут оскуолатын үөрэнээччитэ Прибылых Иван иккис, 37 очколаах Хорообут оскуолатын үөрэнээччитэ Скрябин Денис 3 миэстэ буолары ситистилэр. 4-с миэстэ Ороссолуодаттан Павлов Данил, 5-с миэстэ Балыктаахтан Мохначевскай Коля, 6-с миэстэ Хорообуттан Винокуров Максим буоллулар. Спортсменнарга Бугаев Василий Григорьевич оҕолорун ааттарыттан харчынан, спорт комитеттан анал бириистэри туттардылар.

Уол оҕону кыра эрдэхтэн эт-хаан өттүнэн эрчийии, сымса - быһый, тулуурдаах буоларга уһуйуу, өбүгэбит оонньууларын үйэтитии, чэбдик олоҕу тутуһалларын ситиһэр сыаллаах, биһиги биир дойдулаахпыт Бугаев Д.П.-Күүстээх Миитээски бирииһигэр улуустааҕы өбүгэлэр оонньууларыгар күүстээхтэри, сымсалары көрөн дуоһуйдубут, астынныбыт. Күрэх үрдүк таһымнаахтык ыытыллыбытын Бугаевтар аймах, тренердэр, көрөөччүлэр бэлиэтээн эттилэр.