Бу дьыл олунньу 28 күнүгэр биһиги улууспутугар сэдэх тэрээһин ыытылынна. Ол курдук «Аҕа үтүө холобурунан оҕону иитии» аҕалар конференциялара буолла. Улуустан уопсайа 40-тан тахса аҕа кэлэн кыттыыны ыллылар. Конференция бастакы чааһыгар бэлэмнэнэн кэлбит темаларынан «Аҕалар ааҕыылара» ыытылынна, билиҥҥи үйэҕэ оҕону иитиигэ бэйэлэрин тус көрүүлэрин, санааларын кэпсээтилэр. Ол кэннэ Семен Маисов «Аҕа» кинигэтинэн санаа атастаһыыта, төгүрүк остуол буолла. Кэлбит кыттааччылар кэпсэтэн, санааларын атастаһан, инникилэригэр туһалаах сүбэлэри ылан, астынан бардылар.
«Ыал аҕатынан» диэн мээнэҕэ этиллибэт, онон маннык суолталаах тэрээһиннэр ыытылла туралларыгар баҕарыаҕын.
Слепцов Ю.М.,
уопсай үөрэхтээһин отделын сүрүннүүр специалиһа
![](/vesti/2017_2018/vospit/a5alarkonferncijalara1.jpeg)
![](/vesti/2017_2018/vospit/a5alarkonferncijalara2.jpeg)
![](/vesti/2017_2018/vospit/a5alarkonferncijalara3.jpeg)
![](/vesti/2017_2018/vospit/a5alarkonferncijalara4.jpeg)
![](/vesti/2017_2018/vospit/a5alarkonferncijalara5.jpeg) |