Кулун тутар 3 күнүгэр Аҕа дойдуну көмүскүүр улуу кыайыы 69 сылыгар уонна улууска үөрэхтээһин тэриллибитэ 140 сылыгар аналлаах оскуола оҕолоругар сүүрүү буолан ааста. Уопсайа 9 оскуолаттан 66 оҕо уонна 13 учуутал сүүрдүлэр.
Бу сыллата ыытыллар сүүрүү Аллараа Бэстээх учуутала Нестеров Андрей Адреевич проегынан уон алтыс сылын ыытыллар. Сыллата буолар бэлиэ күннэргэ ананан оҕолору араас маршруттарынан сүүрдэллэр. Быйыл Төхтүр – Бэдьимэ – Майа – Аллараа Бэстээх маршрутунан сүүрдүлэр.
Бэдьимэҕэ кэлэн олохтоох буойуннар пааматынньыктарыгар Бэдьимэ дьаһалтата кыттыылаах (Баишев Федор Константинович) оҕолор миитиңңэ кытыннылар, пааматынньыкка венок уурдулар.
Салҕыы Майанан Аллараа Бэстээххэ тиийэн аартыкка турар кэриэстэбил монумеңңа олохтоох оскуола тэрийбит сүүрүүлэрин түмүктүүр митииңңэ кытыннылар. Оҕолорго туһаайан маннык кэриэстэбил сүүрүүгэ кыттыбыттарынан, эҕэрдэлээн директор Бугаев Н.Н. тыл эттэ. Биһи эһэлэрбит, убайдарбыт, таайдарбыт бу Улуу Кыайыыны аҕалан эйэлээх олоххо олорорбут, кинилэр ааттарын түһэн биэрбэккэ үлэҕэ-үөрэххэ инники сылдьыахтаахпыт этилиннэ. Оҕолорго анаан эҕэрдэ нүөмэри олохтоох оскуола оҕолоро бэлэхтээтилэр. Торжественнай түгэңңэ кэриэстэбил венок уурулунна. Бүтэһиккэ сүүрбүттэрин туоһулуур сертификат ылан үөрэн-көтөн тарҕастылар.
|