Ахсынньы 9 кунугэр Ходоро нэһилиэгин сынньалаҥ киинигэр оскуола оҕолорун 18-с республикатааҕы «Саха КВН» оонньууларын улуустааҕы күрэҕэ буолан ааста.
Күрэхтэһии «Cаха КВН» хамсааhынын салгыы сайыннарар, саха ыччата төрөөбүт тылын туттар эйгэтин кэҥэтэр, илин эҥэрдээҕи Саха КВН оонньууларыгар кыттар хамаандалары сүүмэрдиир сыаллаах-соруктаах ыытылынна.
Оонньуу сүрүн тэрийээччилэринэн буоллулар: Мэнэ-Ханалас улууьун уэрэ5ириигэ салалтата, Оҕону эбии үөрэхтээһин киинин иһинэн “Мэнэ-Кэскилэ” улуустаа5ы о5о общественнай хамсааhына.
Быйылгы күрэххэ улууспут 7 саамай көхтөөх, түмсүүлээх хамаандалара кыайыылаах ааты ылаары кииристилэр: “Хаптаҕай оҕолоро” (Кеша Алексеев аатынан Хапта5ай орто оскуолата), “До5оттор” (Е.Д.Кычкин аатынан Матта орто оскуолата), “Мэҥэ бойс” (Балыктаах орто оскуолата), “Дэриэбинэ оҕолоро” (Е.П.Шестаков-Эрчимэн аатынан Бырама орто оскуолата), “Халлаан дьоно” (И.М.Романов аатынан Төхтүр орто оскуолата), “Дьүкээбил” (И .Г.Игнатьев аатынан Хартаааҕы спорт оскуола), “Чээкэ-чээкэ” (К.О. Гаврилов аатынан Бүтэйдээх орто оскуолата).
Оонньуу биэс түһүмэҕинэн барда: «Эҕэрдэлэһии», «Биир нүөмэр түһүмэҕэ», «Биатлон», «Видеоконкурс», “Дьиэтээҕи сорудах”. Тыҥааһыннаах киирсии түмүгүнэн кыайыылаах урдук аатын эрэллээхтик “Мэҥэ бойс” (Балыктаах орто оскуолата) суктэ, иккис миэстэҕэ «Доҕоттор» (Матта) хамаандата таҕыста, үһүс бириистээх элбэҕи эрэннэрэр “Хаптаҕай оҕолоро” (Кеша Алексеев аатынан Хапта5ай орто оскуолата) миэстэҕэ тигистилэр. Күрэх түмүгүнэн анал ааттар иҥэрилиннилэр: «Көрдөөх көкөт» - Гриша Владимиров (“Мэҥэ бойс” Балыктаах), “Күн Күлүүк” – Осипова Надя (“Чээкэ-чээк” Бүтэйдээх), «Бастыҥ куолас” – Айыына Яковлева “Дэриэбинэ оҕолоро” (Бырама), “Саха КВН эрэлэ” – “Чээкэ-чээкэ” (Бүтэйдээх) хамаандата, “Бастыҥ салайааччы” – Герасим Александрович Егоров (Балыктаах), “Бастыҥ эҕэрдэлэһии” – “Халлаан дьоно” (Төхтүр), “Бастыҥ дьиэтээҕи сорудах” – “До5оттор” (Матта), “Алтан чуораан” – Дэриэбинэ оҕолоро (Бырама), Наара суох – Дьукээбил (Хара).
Ахсынньы 15-16 күннэригэр Аллаараа – Бэстээх сынньалаҥ киинигэр ыытыллар илин эҥэрдээҕи Саха КВН оонньууларыгар биһиги улуустан "Саҥа кэм", “Мэҥэ бойс” уонна “Доҕоттор” хамаандалара салгыы кыттыны ылыахтара.
|